“Ekol Mühəndislik Xidmətləri” QSC-nin istehsalat sahələrində ali təhsil müəssisələrində tələbələrin maarifləndirilməsi məqsədilə istehsalata tətbiq edilmiş yeni texnika və texnologiyaların mənimsənilməsi, neft sənayesi və ekologiya sahəsində qazanılmış təcrübədən tələbələrin təcrübi biliklərə marağın artırılması istiqamətində tədbirlər mütəmadi olaraq davam etdirilir.
Bununla əlaqədar olaraq, Bakı Dövlət Universitetinin “Ekologiya və Torpaqşünaslıq” fakültəsinin 20 nəfər 5-ci kurs tələbələri 09.02.2016-cı il tarixdən 02.03.2016-cı il tarixədək və həmin Universitetdə eyni ixtisas üzrə təhsil alan 22 nəfər 4-cü kurs tələbələri 16.02.2016-cı il tarixdən 03.03.2016-cı il tarixədək “Ekol Mühəndislik Xidmətləri” QSC–nin istehsalat sahələrində istehsalat təcrübəsi keçiblər. Təcrübə müddətində tələbələrə müvafiq proqram üzrə, yüksək səviyyədə istehsalat təcrübəsi keçmələrinə rəhbərlik, QSC-nin baş direktorun əmri ilə Ekoloji Monitorinq Departamentinin rəisi, təcrübəli mütəxəssis Şahabiddin Albuşova həvalə edilmişdir. İstehsalat təcrübəsi müddətində tələbələr neft emalı zavodlarında formalaşan, neft məhsulları və digər kimyəvi maddələrlə çirklənmiş axıntı sularının təmizlənməsi üsulları neftşlamın emalı texnologiyaları, eləcə də qurğuların iş prinsipi ilə yaxından tanış olublar.
tarix : 04.03.2016
|