|
Xəbərlər
[23.10.2009]
Ekoloji layihələrin texniki təminatı əsas faktorlardan biridir
"Ekol Mühəndislik Xidmətləri" QSC-nin həyata keçirdiyi ekoloji layihələrin keyfiyyətlə və vaxtlı-vaxtında yerinə yetirilməsi üçün, istehsalat sahələrində istifadə olunan qurğu və avadanlıqların saz vəziyyətdə olması və onların fasiləsiz işinin təmin edilməsi əsas faktorlardan biridir.
Bununla əlaqədar olaraq QSC-nin texniki parkının müasir qurğu və avadanlıqlarla təchiz olunması ilə yanaşı, mövcud qurğu və avadanlıqlarda mütəmadi olaraq profilaktiki təmir işlərinin aparılması, onların fasiləsiz işinin təmin edilməsi və ehtiyat hissələri ilə təchiz olunması daimi diqqət mərkəzindədir. Bu məqsədlə QSC-də xüsusi struktur bölmələri yaradılmış və peşəkar mütəxəssislər cəlb olunmuşdur.
Son zamanlar QSC-nin iş həcminin artması və qışa hazırlıq Tədbirlər Planı ilə əlaqədar olaraq, istehsalat sahələrində kompleks tədbirlər həyata keçirilmiş, təmizləyici, ötürücü və emal qurğularında cari və əsaslı təmir işləri aparılmış, əlavə kommunikasiya xətlərinin çəkilməsi başa çatdırılmışdır.
Hazırda "Alfa-Laval" və "Facet" qurğularının fasiləsiz işləməsi üçün əlavə ehtiyat hissələrinin alınması istiqamətində tədbirlər görülür. İlin sonunadək isə Almaniya istehsalı olan 3 ədəd, həcmi 405-570 m3/saat, gücü 55-74.9 kw səyyarı fırlanan porşenli nasos sistemi, 1 ədəd isə xüsusi texnika (Draqlayn) alınması nəzərdə tutulur ki, bu da QSC-nin maddi texniki bazasının gücləndirilməsinə xidmət edəcəkdir.
|
|