|
Xəbərlər
[28.10.2008]
"Ekol Mühəndislik Xidmətləri" QSC-nin nümayəndə heyəti
"POLEKO 2008" beynəlxalq sərgisində iştirak edəcəkdir
"POLEKO 2008" beynəlxalq sərgisində öz stendi ilə iştirak etmək məqsədilə "Ekol Mühəndislik Xidmətləri" QSC-nin baş direktoru Soltan Əliyev başda olmaqla QSC-nin nümayəndə heyəti oktyabrın 25 -dən 31 -dək Polşa Respublikasının Poznan şəhərində olacaqlar.
Bu sərgidə iştirak etməkdə məqsəd "Ekol Mühəndislik Xidmətləri" QSC-nin Avropaya inteqrasiya olunmasını və iqtisadi əlaqələrin genişləndirilməsini təmin etmək, eləcə də, qarşılıqlı əməkdaşlıq çərçivəsində fəaliyyət göstərəcək Şirkətlərlə münasibətlərin yaradılmasından ibarətdir.
Bir çox dövlətlərin qatıldığı bu beynəlxalq sərgidə iqtisadiyyat, elm və ekologiya sahəsində əldə olunmuş son nailiyyətlər nümayiş etdirilir ki, bu da iştirakçı Şirkətlərin yeni çalarlarla əməkdaşlıq əlaqələrinin qurulmasına və birgə fəaliyyətinə əlverişli şərait yaradacaqdır.
QSC nümayəndələrinin sərgidən verdiyi məlumata görə sərgi çox yüksək səviyyədə təşkil olunmuş, sərgi iştirakçılarında böyük maraq doğurmuşdur.
QSC-nin baş direktoru Soltan Əliyev sərgidə iştirak edən bir çox xarici Şirkətlərlə görüşlər keçirmişdir. "Ekol Mühəndislik Xidmətləri" QSC -nin çox şaxəli fəaliyyəti, xüsusilə həyata keçirdiyi iri həcmli ekoloji layihələr xarici Şirkətlərin diqqətini cəlb etmiş, qarşılıqlı əməkdaşlıq üçün zəmin yaranmışdır.
"POLEKO 2008" sərgisi oktyabrın 31 -dək davam edəcəkdir.
|
|