|
Xəbərlər
[25.11.2008]
"Azərneftyağ" NEZ -da neftşlamın emalı və zərərsizləşdirilməsi
yeni texnologiya ilə həyata keçirilir
Hazırda "Azərneftyağ" NEZ-da neft məhsullarının emalı prosesində formalaşan və uzun illər yığılıb qalmış, eləcə də, sənaye - çirkab sularının təmizlənməsi nəticəsində yaranmış neftşlamın emalı və zərərsizləşdirilməsi, onun ətraf mühitə mənfi təsirinin qarşısının alınması istiqamətində məqsədyönlü işlər aparılır. Bu layihənin həyata keçirilməsi yeni texnologiyaların tətbiqi sahəsində geniş təcrübəyə malik olan "Ekol Mühəndislik Xidmətləri" QSC-nə həvalə edilmişdir.
Bu məqsədlə QSC sentyabr ayında "Azərneftyağ" NEZ-nun 8-ci sexində ən müasir, gücü 30 ton/saat olan Alfa - Laval qurğusu qurşadırmış və neftşlamın emalı prosesinə başlamışdır. Qurğu lazımı kommunikasiya və stabil buxar xətti ilə təchiz etmişdir ki, bu da öz növbəsində məhsuldarlığın artırılması və neftşlamın tərkibində olan neft məhsullarının asan ayrılması üçün əlverişli şərait yaratmışdır.
Oktyabr ayında QSC-nin Tullantıların Emalı Departamenti qurğu vasitəsi ilə 1500 tona qədər neftşlam emal edilərək zərərsizləşdirilmiş, alınan neft məhsulu təkrar emal üçün əvəzsiz olaraq NEZ-na təhvil verilmişdir. Bununla yanaşı, açıq tutumlarda yığılmış neftşlamın qapalı sistemlə emalı ətraf mühitə mənfi təsiri də xeyli dərəcədə azaltmışdır.
"Azərneftyağ" NEZ-da istehsal prosesində formalaşan neftşlamın emali və zərərsizləşdirilməsi layihəsinin tam həyata keçirilməsi məqsədilə, QSC gələcəkdə 2-ci belə bir qurğunun alınıb quraşdırılmasını da planlaşdırmışdır.
|
|