"Ekol Mühəndislik Xidmətləri" QSC-nin  xidmət  sahələri öz simasını dəyişir

       Qeyd olunduğu kimi, “Ekol Mühəndislik Xidmətləri” QSC-nin  fəaliyyət sahələrinin genişləndirilməsi,  maddi-texniki bazasının gücləndirilməsi məqsədilə, 2009-cu ildə  Bakı şəhəri, Suraxanı rayonu, Zığ qəsəbəsi, Hovsan yolu ünvanda yerləşən,  ümumi sahəsi 414.3 m2 təşkil edən və ARDNŞ-nin balansında olmuş qeyri-yaşayış sahəsi xidməti məqsədlər üçün   QSC-nin istifadəsinə verilmişdir.

       A-4 qurğusu adlandırılan bu qeyri-yaşayış sahəsi QSC-nin müvafiq struktur bölmələrinin yerləşdirilməsi və yeni fəaliyyət sahələri üçün nəzərdə tutulmuşdur. Bununla əlaqədar olaraq 2010-cu ilin əvvəlindən başlayaraq bu sahədə  müasir əsaslı təmir, rekonstruksiya və abadlaşdırma işləri aparılmış, sahənin ümumi mənzərəsi tamamilə  dəyişmişdir. Qeyri yaşayış sahəsində QSC-nin Torpaqların Rekultivasiyası Departamenti (TRD) fəaliyyət göstərir.

      Ötən illər ərzində qeyri-yaşayış sahəsində aparılmış təmir-tikinti və yenidənqurma işləri ilə yanaşı, görülmüş abadlıq və yaşıllaşdırma tədbirləri nəticəsində ərazinin siması tamamilə dəyişmişdir. TRD-nin  apardığı abadlaşdırma və yaşıllaşdırma tədbirləri  nəticəsində ərazinin ümumi görüntüsü və ekoloji vəziyyəti xeyli dərəcədə yaxşılaşmışdır.

    Ərazinin yaşıllaşdırılmasında əsasən TRD-nin bu sahədəki istixanasında yetişdirilən müxtəlif ağac növlərindən istifadə olunur. Yaşıllıq sahələrinin genişləndirilməsi məqsədilə, 2013-cü ilin yaz mövsümündə yeni sahəyə  190 ədədə qədər müxtəlif ağac növləri əkilmişdir. Ümumilikdə isə ərazidə 2 410 ədəd  müxtəlif ağac və gül kollarına aqrotexniki xidmətlər göstərilir.

     TRD qeyd olunan ünvanda yaşıllıq sahələrinin genişləndirilməsi və tinglərin yetişdirilməsi istiqamətində işləri yüksək templə davam etdirir.