Ekoloji monitorinq

Laboratoriya xidmətləri

Ekoloji normativ – texniki sənədlərin işlənib hazırlanması

Sənaye-çirkab, tullantı və məişət-fekal suların təmizlənməsi

Parafinin təmizlənməsi

Neftşlamın emalı və zərərsizləşdirilməsi

Neftlə çirklənmiş torpaqların rekultivasiyası, bioremediasiyası

Qazma şlam qutularının (DCB) icarəyə verilməsi

ƏMTQ sənədlərinin hazırlanması

19.04.2013 "Ekol Mühəndislik Xidmətləri" QSC-nin Ekoloji Monitorinq Departamenti (EMD) ötən illərdə olduğu kimi 2013-cü ilin I-ci rübündə də təsdiq edilmiş iş planına uyğun olaraq, "Sifarişçi" təşkilatların istehsalat sahələrində ekoloji monitorinq işlərinin aparılması, müəssisə və təşkilatlar üçün ekoloji normativ-texniki sənədlər işlənib hazırlanmış və laborator xidmətlərin göstərilməsi işlərini yüksək keyfiyyətlə yerinə yetirmişdir.

16.04.2013 2012-ci ili uğurlu nailiyyətlərlə başa vurmuş QSC-nin Tullantıların Emalı Departamenti (TED) 2013-cü ilin I-ci rübündə də müsbət nəticələr əldə etmişdir. Ötən ildə olduğu kimi TED cari ilin I-ci rübündə "Sifarişçi" məmnunluğunun qazanılmasını, texnoloji proseslərin təkmilləşdirilməsini, istehsalat sahələrinə yeni texnika və texnologiyaların tətbiqini, həmçinin istehsalat proseslərinin fasiləsizliyinin təmin olunmasını hədəf seçərək, bu istiqamətdə zəruri tədbirlər həyata keçirmişdir.

13.04.2013  Azərbaycan xalqının ümummilli lideri Heydər Əliyevin anadan olmasının 90-cı ildönümü münasibətilə aprel ayının 13-dən başlayaraq may ayının 4-dək hər şənbə günü respublikamızın hər yerində, eləcə də ARDNŞ-də və onun tabeçiliyində olan təşkilatlarda iməciliklərin, ağacəkmə aksiyalarının və digər məqsədyönlü tədbirlərin keçirilməsi nəzərdə tutulmuşdur.

11.04.2013 Ötən ili uğurlu nailiyyətlərlə başa vuran QSC-nin TRD cari ilin I-ci rübündə də vəzifə öhdəliklərinə layiqincə əməl etmişdir. 2013-cü ilin I-ci rübündə Bakı Ağ Şəhər Layihəsi üzrə işlər təqvim planına uyğun yerinə yetirilmiş, layihə ərazisinin "Yaşıl Ada" rayonu sahəsindən neft məhsulları ilə çirklənmiş torpaqların daşınması davam etdirilmişdir. Ərazidən yanvar ayında 45 455.2 m3, fevral ayında 51 640.9 m3, mart ayında 48 662.4 m3, ümumilikdə isə rüb ərzində 145 758.5 m3 neft məhsulları ilə çirklənmiş torpaq daşınmışdır.

08.04.2013 "Ekol Mühəndislik Xidmətləri" QSC-də Beynəlxalq İdarəetmə Sistemlərinin tələblərinin daha da dərindən mənimsənilməsi və istehsalata tətbiqi öz müsbət nəticələrini verməkdədir. Son illər QSC-də standartların prosedura qaydalarına əməl etməklə nəzərəçarpacaq dərəcədə uğurlu nailiyyətlər əldə olunmuşdur. Bununla yanaşı, Beynəlxalq İdarəetmə Sistemlərinin tələblərinə əməl olunmasının düzgünlüyünün yoxlanılması, aşkar edilmiş uyğunsuzluqların vaxtında aradan qaldırılması və qabaqlayıcı tədbirlərin görülməsi məqsədilə vaxtaşırı olaraq daxili və üçüncü tərəf auditləri keçirilir.

05.04.2013       Fəaliyyətini beynəlxalq standartlar səviyyəsində quran "Ekol Mühəndislik Xidmətləri" QSC, öz istehsalat sahələrində İSO standartlarının tələblərinə əməl olunması və baş vermiş uyğunsuzluqların vaxtında aradan qaldırılması məqsədilə ardıcıl tədbirlər həyata keçirir.

03.04.2013 İstehsalat sahələrinin abadlaşdırılması, işçilərin iş şəraitinin yaxşılaşdırılması və yaşıllaşdırma tədbirlərinin həyata keçirilməsi "Ekol Mühəndislik Xidmətləri" QSC-nin fəaliyyətinin prioritet istiqamətlərindən biridir. Bu məqsədlə, istehsalat sahələrindəki inzibati, məişət və yardımçı binalarda mütəmadi olaraq təmir işləri aparılır, ərazilərin abadlaşdırılması və yaşıllaşdırılması sahəsində məqsədyönlü tədbirlər həyata keçirilir.

29.03.2013       Martın 29-da “31mart-Azərbaycanlıların  Soyqırım  Günü” ilə əlaqədar "Ekol Mühəndislik Xidmətləri" QSC-nin istehsalat sahələrində tədbirlər keçirilmişdir. Tədbirlərdə çıxış edənlər erməni millətçilərinin şovinist siyasətini və xalqımıza qarşı törətdikləri vəhşilikləri hiddətlə pisləmişlər.

28.03.2013 Yazın gəlişi ilə əlaqədar olaraq, "Ekol Mühəndislik Xidmətləri QSC-nin Torpaqların Rekultivasiyası Departamentinin (TRD) Neftqazçıxarma idarələrinin, o cümlədən "BibiHeybətneft" NQÇİ-nin mədən ərazilərində, aqrotexniki xidmət göstərdiyi yaşıllıq sahələrində mövsümi işlər geniş vüsət almışdır.

19.03.2013 Öz gəlişi ilə yeni həyat gətirən, qəlbləri sevindirən, ətrafı gözəlləşdirən, təbiəti oyadan, bayramların ən sevimlisi olan Novruz bayramı respublikamızın hər yerində böyük təntənə ilə qeyd olunur.

16.03.2013 Baharın gəlişi ilə əlaqədar respublikamızın hər yerində, müəssisə və təşkilatlarda, o cümlədən ARDNŞ-nin fəaliyyət sahələrində abadlıq və yaşıllaşdırma işlərinə başlanmışdır.

13.03.2013 ARDNŞ-nin fəaliyyət sahələrində ekoloji vəziyyətin yaxşılaşdırılmasına dair təsdiq olunmuş tədbirlər planı çərçivəsində "Ekol Mühəndislik Xidmətləri" QSC-nin həyata keçirdiyi prioritet layihələrdən biri də, “Abşeronneft” NQÇİ-nin reabilitasiya olunmuş mədən ərazilərinin yaşıllaşdırılması və bitkilərə aqrotexniki xidmətlərin göstərilməsi layihəsidir.

11.03.2013 Sovetlər dövründən miras qalan və Abşeron yarımadasının, eləcə də Bakının ən başlıca problemlərindən biri, torpaqların neftlə çirklənməsi, zavod və fabriklərin şəhərin mərkəzinə yaxın yerləşməsi idi ki, bu da paytaxtın ekoloji vəziyyətinin acınacaqlı hala düşməsinə səbəb olmuşdu. Elə bu səbəbdən də Azərbaycan Respublikası Prezidentinin Sərəncamı ilə təsdiq olunmuş “Azərbaycan Respublikasında ekoloji vəziyyətin yaxşılaşdırılmasına dair 2006-2010-cu illər üçün Kompleks Tədbirlər Planı” çərçivəsində köhnəlmiş sənaye obyektlərinin şəhərin hüdudlarından kənara çıxarılması və çirklənmiş torpaqların təmizlənməsi işləri geniş vüsət almışdır. Bu tarixi sənədlə əlaqədar olaraq, Bakı Şəhər İcra Hakimiyyətinin müvafiq sərəncamı ilə, “Qara şəhər”in bərpa olunması və "Ağ Şəhər" layihəsinin həyata keçirilməsi haqqında qərar qəbul edilmişdir.

07.03.2013 1910-cu ildə sosialist qadınların Kopenhagendə keçirilən 2-ci Beynəlxalq konfransında qəbul edilmiş qərarla 8-Mart iqtisadi, ictimai və siyasi bərabərlik uğrunda mübarizədə qadınların beynəlxalq həmrəylik günü kimi təsbit edilmişdir. Artıq bir əsrdən artıqdır ki, dünyanın hər yerində qadınlar 8 Mart gününü sülh uğrunda mübarizədə həmrəylik günü kimi qeyd edirlər. Azərbaycan müstəqillik əldə etdikdən sonra da 8 Mart Beynəlxalq Qadınlar Günü istirahət günü olmaqla, hər il respublikamızda böyük təntənə ilə qeyd olunur.

07.03.2013 ARDNŞ-nin fəaliyyət sahələrində neftlə çirklənmiş torpaqların təmizlənməsi və neftşlamın emalı istiqamətində "Ekol Mühəndislik Xidmətləri" QSC-nin qarşısında duran vəzifələrin həyata keçirilməsi məqsədilə nanotexniologiyalıarın axtarışı davam edir. Bununla əlaqədar vaxtaşırı olaraq QSC-də dünyanın qabaqcıl ölkələrində fəaliyyət göstərən analoji şirkətləri ilə görüşlər keçirilir və araşdırmalar aparılır.

06.03.2013 05 mart 2013-cü il tarixdə "Ekol Mühəndislik Xidmətləri" QSC-nin baş ofisində Türkiyənin Nano Tech Texnology Concept LTD şirkətinin nümayəndələri ilə görüş keçirilmişdir. Görüşdə "Azneft" İB-nin baş direktorunun ekologiya üzrə müavini Faiq Cəfərov, QSC-nin baş direktoru Ramil Əliyev, baş direktorun müavinləri, Məzahir Hüseynov, Rəşad İsmayılov, ARDNŞ-nin Ekologiya İdarəsinin, eləcə də QSC-nin əlaqədar departament və şöbə rəisləri, həmçinin Nano Tech Texnology Concept LTD şirkətinin nümayəndələri Ayhan Doyuk, Filiz Nabiyeva, Fazil Eyubler və Mehmet Gungör iştirak etmişlər.

04.03.2013 Ətraf mühitin mühafizəsinin və tullantıların idarə olunmasının beynəlxalq standartlar səviyyəsində qurulması “Ekol Mühəndislik Xidmətləri” QSC-nin fəaliyyətinin əsas istiqamətlərindəndir. Bununla əlaqədar olaraq, ARDNŞ-nin fəaliyyət sahələrində önəmli ekoloji layihələr həyata keçirməklə yanaşı QSC öz istehsalat sahələrində formalaşan tullantıların idarə olunmasını da qəbul etdiyi beynəlxalq standartların tələblərinə uyğun yerinə yetirir.

04.03.2013 Beynəlxalq Mülki Müdafiə Təşkilatının Baş Məclisinin qərarı ilə 1972-ci ildən etibarən, hər il martın 1-i bu təşkilata üzv olan bütün ölkələrdə “Ümumdünya Mülki Müdafiə Günü” kimi qeyd olunur. Hazırda Beynəlxalq Mülki Müdafiə Təşkilatına dünyanın 50-dən çox ölkəsi daxildir. Bu təşkilatın əsas məqsədi dünya əhalisinin mühafizəsi sahəsindəki təcrübənin ümumiləşdirib yayılması, Mülki Müdafiə kadrlarının hazırlanması və təkmilləşdirilməsi, habelə təbii fəlakətlər və iri qəzalar zamanı dövlətlərarası qarşılıqlı yardımın təşkil edilməsindən ibarətdir. Azərbaycan Respublikası da 1993-cü ildən bu nüfuzlu humanitar təşkilatın üzvlüyünə qəbul edilmiş və onun keçirdiyi bütün tədbirlərdə fəal iştirak edir.

28.02.2013 Qeyd olunduğu kimi 2010-cu ildən başlayaraq, Bakı Ağ Şəhər layihəsində yaxından iştirak edən "Ekol Mühəndislik Xidmətləri" QSC layihə ərazisindəki köhnəlmiş neft sənaye obyektlərindən neftşlamın və neft məhsulları ilə çirklənmiş torpaqların çıxarılaraq şəhərin hüdudlarından kənara daşınması işlərini uğurla yerinə yetirir. Eyni zamanda adı çəkilən layihə ərazisindəki gölməçələrdə yığılmış sənaye çirkab sularının nəqli işləri də QSC-nə həvalə edilmişdir.

26.02.2013 XX əsr Azərbaycan tarixinin ən dəhşətli faciəsi, həm də dinc əhaliyə, bütün insanlığa qarşı törədilən, xarakterinə və miqyasına görə ən dəhşətli ümumbəşəri bir faciə olan Xocalı soyqırımından 21 il ötür. Bu münasibətlə respublikamızın hər yerində, eləcə də xarici diaspor təşkilatlarında geniş miqyaslı tədbirlər keçirilir.