Ekoloji monitorinq

Laboratoriya xidmətləri

Ekoloji normativ – texniki sənədlərin işlənib hazırlanması

Sənaye-çirkab, tullantı və məişət-fekal suların təmizlənməsi

Parafinin təmizlənməsi

Neftşlamın emalı və zərərsizləşdirilməsi

Neftlə çirklənmiş torpaqların rekultivasiyası, bioremediasiyası

Qazma şlam qutularının (DCB) icarəyə verilməsi

ƏMTQ sənədlərinin hazırlanması

30.04.2012 Ümumdünya Əməyin Mühafizəsi günü hər il aprelin 28-də dünyanın yüzdən çox ölkəsində, o cümlədən Azərbaycanda qeyd olunur. “Ekol Mühəndislik Xidmətləri” QSC-də hər il bu əlamətdar günü yüksək səviyyədə qeyd edir. Bununla əlaqədar olaraq QSC-də Əməyin Mühafizəsi gününə həsr olunmuş tədbir keçirilmişdir. Tədbirdə rəhbər və mühəndis-texniki işçiləri iştirak etmişlər.

30.04.2012 “Ekol Mühəndislik Xidmətləri” QSC-də ARDNŞ-nin “Ətraf mühitin mühafizəsi”nin 2012-ci il üçün tədbirlər planına uyğun olaraq silsilə iməciliklər davam edir. Növbəti iməcilik isə aprelin 28-də keçirilmiş aksiyaya QSC-nin kollektivinin xeyli sayda nümayəndələri qatılmışlar.

27.04.2012 Aprelin 26-da “Ekol Mühəndislik Xidmətləri” QSC-nin baş ofisində Almaniyanın “AWAS” şirkətinin nümayəndələri ilə görüş keçirilmişdir. Görüşdə ARDNŞ-nin Ekoloji Layihələrin Ekspertizası şöbəsinin, ARDNŞ-nin Ekologiya İdarəsinin və QSC-nin rəhbər işçiləri, mütəxəssisləri, eləcə də “AWAS” şirkətinin nümayəndələri iştirak etmişlər.

24.04.2012 2011-ci ildə “Ekol Mühəndislik Xidmətləri” QSC-nin həyata keçirdiyi ekoloji layihələrdən biri də Ə.Əmirov adına NQÇİ-nin 3-cü mədən ərazisindəki neft tutucuda mövcud olan neftşlamın çıxarılması və bioremediasiyası layihəsidir.

23.04.2012 ARDNŞ-nin “Ətraf mühitin mühafizəsi”nin 2012-ci il üçün tədbirlər planına uyğun olaraq, martın 31-dən başlayaraq hər həftənin şənbə günü “Ekol Mühəndislik Xidmətləri” QSC-də iməciliklər təşkil olunur. Növbəti iməcilik isə aprelin 21-də keçirilmişdir. İməciliyə QSC-nin kollektivinin çoxlu sayda üzvləri qatılmışlar.

23.04.2012 Futzal üzrə Azərbaycan çempionatında yaranmış fasilədən səmərəli istifadə edən “Ekol” MFK çempionatın 3-cü (sonuncu) turuna ciddi hazırlaşır. Bu məqsədlə komandamız mütəmadi olaraq təlim-məşq toplantılarında iştirak edir, komanda heyətinin fiziki və taktiki hazırlığının artırılması üçün bütün zəruri tədbirləri həyata keçirir.

20.04.2012    Aprelin 19-da “Ekol Mühəndislik Xidmətləri” QSC-nin baş ofisində qazma şlamını emal edən qurğunun təqdimatı olmuşdur. Görüşdə THERMTECH şirkətinin satış üzrə direktoru Rocco V.Valentinetti, əməliyyat üzrə menecer Stein Kleppe, ARDNŞ-nin ekologiya üzrə vitse-prezidentinin müşaviri Hikmət İslamov, ARDNŞ-nin Ekologiya İdarəsinin baş mühəndisi Yaqub Ağasıyev, QSC-nin baş direktoru Ramil Əliyev, baş direktorun istehsalat üzrə müavini-Texniki direktor Məzahir Hüseynov, baş direktorun SƏTƏM üzrə müavinin Rəşad İsmayılov, eləcə də ARDNŞ-nin Ekologiya İdarəsinin və “Ekol Mühəndislik Xidmətləri” QSC-nin aidiyyəti mütəxəssisləri iştirak etmişlər.

19.04.2012 Xarici əlaqələrinin genişləndirilməsi, yeni texnika və texnologiyaların istehsalata tətbiqi sahəsində həyata keçirilən tədbirlər çərçivəsində, aprelin 18-də QSC-nin baş ofisində Deqremon şirkətinin nümayəndələri ilə görüş keçirilmişdir. Görüşdə QSC-nin baş direktoru Ramil Əliyev, baş direktorun istehsalat üzrə müavini-texniki direktor Məzahir Hüseynov, baş direktorun SƏTƏM üzrə müavini Rəşad İsmayılov, Global Energy Solutions MMC-nin baş direktoru Murad Sadıxov, Deqremon şirkətinin prezidentinin məsləhətçisi, kommersiya direktoru Klod Shoer, AGS-nin baş meneceri Matthieu Mitterrahd, Cifal Groupe-nin Azərbaycan nümayəndəliyinin rəhbəri Əsgər Ələkbərov iştirak etmişlər.

17.04.2012  Aprelin 17-də “Ekol Mühəndislik Xidmətləri” QSC-nin fəaliyyətə başlamasından 6 il ötür. Bununla əlaqədar olaraq, rəhbərliyin və kollektivin iştirakı ilə aprelin 14-də ildönümünə həsr edilmiş ümumi iməcilik, aprelin 17-də isə toplantı keçirilmişdir.

14.04.2012      Aprelin 17-də, 2006-cı ilin mart ayında ARDNŞ-nin (51%) və “Lancer Services” S.A.” Şirkətinin (49%) təsisçiliyi ilə  yaradılmış və 17.04.2006-cı ildə dövlət qeydiyyatından keçmiş ”Ekol Mühəndislik Xidmətləri” QSC-nin fəaliyyətinin  6 ili tamam olur. Qısa  müddətdə   ekoloji problemlərin həlli  sahəsində  özünü potensial bir şirkət kimi  təsdiq etmiş QSC,  bu illər ərzində respublikamızın neft sənayesi sahələrində onlarla prioritet ekoloji layihələri uğurla həyata keçirmişdir.     Aprelin 14-də isə QSC-nin 6 illiyi ilə əlaqədar olaraq  kollektivin bütün üzvlərinin iştirakı ilə istehsalat sahələrində iməcilik  keçirilmişdir. İməcilikdə  rəhbərlik başda olmaqla bayram əhval-ruhiyyəsi ilə iştirak edən QSC-nin əmək kollektivləri istehsalat sahələrinin abadlaşdırılması, yeni yaşıllıqların salınması və bitkilərə mövsümü qulluq göstərilməsi  işlərini həvəslə yerinə yetirmişlər.

12.04.2012       Respublikamızda davamlı olaraq ətraf mühitin mühafizəsi sahəsində genişmiqyaslı  layihələr həyata keçirilir.  Bu sahədə ARDNŞ-nin üzərinə düşən vəzifələr də  uğurla icra olunur.  Ötən müddətdə neft və neft məhsulları ilə çirklənmiş ərazilər əhəmiyyətli dərəcədə təmizlənmiş və reabilitasiya olunmuş sahələrdə yaşıllıqların salınması istiqamətində əsaslı işlər görülmüşdür. “Ekol Mühəndislik Xidmətləri” QSC-də  bu işlərin həyata keçirilməsində yaxından iştirak etmişdir.

11.04.2012 Qeyd etdiyimiz kimi aprelin 9-10 tarixlərində Türk Standartları İnstitutunun auditorları “Ekol Mühəndislik Xidmətləri” QSC-də İSO -9001, İSO-14001 və OHSAS-18001 standartlarının tələblərinə əməl olunması, eləcə də yeni standartlara hazırlığın və uyğunluğun vəziyyətinin yoxlanması üzrə 3-cü tərəfin auditini keçirmişlər.

10.04.2012      “Ekol Mühəndislik Xidmətləri” QSC  fəaliyyətinin beynəlxalq standartlar səviyyəsində qurulması və Avropaya inteqrasiya edilməsi istiqamətində davamlı siyasət və məqsədyönlü tədbirlər həyata keçirir. Əsas fəaliyyəti ekoloji yönümlü olduğundan fəaliyyətinin ilk illərində (2007-ci ildə) QSC İSO 14001 “Ekologiya İdarəetmə Sistemi”ni qəbul etmiş və fəaliyyətini bu standartların tələbləri səviyyəsində qurmuşdur.

09.04.2012     Yazın gəlişi ilə əlaqədar olaraq “Ekol Mühəndislik Xidmətləri” QSC-nin istehsalat sahələrində mövsümü işlərə start verilmişdir. Bu məqsədlə aprel ayından başlayaraq  QSC-də  hər həftənin şənbə günü iməcilik keçirilir.

05.04.2012      QSC-nin ətraf mühitin mühafizəsi sahəsindəki önəmli fəaliyyət sahələrindən  biri də neftin hasilatı və emalı proseslərində formalaşan və ətraf mühitin çirklənməsinə mənfi təsir göstərən  neftşlamın  müasir texnika və texnologiyalarla emalı və zərərsizləşdirilməsidir.  Bu məqsədlə, dünyanın qabaqcıl texnika və texnologiyalarının istehsalata tətbiq edilməsi və bu sahədə tanınmış şirkətlərlə əməkdaşlıq əlaqələrinin genişləndirilməsi istiqamətində mütəmadi olaraq  tədbirlər həyata keçirilir.

02.04.2012    Hər il  yaz mövsümü ilə əlaqədar olaraq ARDNŞ-nin kollektivi  iməciliklər keçirir,  istehsalat sahələrində yaşıllaşdırma və abadlıq işləri aparılır. Martın 31-də ARDNŞ-nin rəhbərliyinin  iştirakı ilə Şirkətin  bütün idarə və müəssisələrində növbəti genişmiqyaslı ağacəkmə aksiyası keçirilmişdir. İməcilikdə Şirkətin idarə və müəssisələrinin kollektivləri fəal iştirak etmiş,  ağaclar əkilmiş, əvvəllər salınmış  yaşıllıqlara qulluq  olunmuş, abadlıq işləri aparılmışdır.

30.03.2012   Martın 30-da QSC-nin baş ofisində “31 mart-Azərbaycanlıların soyqırımı günü”nə həsr olunmuş tədbir keçirilmişdir. Tədbirdə çıxış edən QSC-nin baş direktoru Ramil Əliyev  Azərbaycanlılara qarşı törədilən soyqırımın   tarixi və baş vermə səbəbləri barədə tədbir iştirakçılarına ətraflı  məlumat verdi.

29.03.2012       Artıq 13 ildir ki, Birləşmiş Ərəb Əmirliklərinin Dubay şəhərində su təchizatı, enerji, texnologiyalar və ətraf mühit üzrə  sərgi   Dubay şəhərinin elektrik enerjisi və su təchizatı Xidmətləri tərəfindən uğurla keçirilir.  Hər il bu sərgiyə  neft sənayesi,  energetika,  ekologiya, ticarət  və digər sahələr üzrə dünyanın 700-dən çox  milli və beynəlxalq  şirkətləri,  dövlət orqanlarının təmsilçiləri, assosiasiyalar və sponsorlar qatılırlar.

27.03.2012      Baharın gəlişi ilə torpağın oyanması  bağ - bağçalarda və yaşıllıq sahələrində bir canlanma yaradıb. İndi bütün  bağçılıq təsərrüfatlarında ağacların budanması, yeni ağacların əkilməsi və sahələrdə abadlıq işlərinin aparılması istiqamətində  müvafiq tədbirlər görülür.

19.03.2012      Martın 19-da “Ekol Mühəndislik Xidmətləri” QSC-də  Novruz bayramı ilə əlaqədar tədbir keçirilmişdir. Tədbirdə çıxış edən QSC-nin  baş Direktoru Ramil Əliyev Novruz bayramının tarixindən və  milli-mənəvi dəyərlərindən danışmışdır. O qeyd etmişdir ki, xalqımızın  özünüdərkində və təfəkkürünün inkişafında böyük rol oynayan , təbiətin  əbədi qanunları ilə həmahəng olan Novruz bayramı milli varlığımıza hopan  bir el şənliyidir. Bu bayram  tarixin ən çətin  anlarında insanların həyatına daxil olaraq onlarda xoşbəxt gələcəyə inam  duyğusu yaratmışdır. Ulularımızın daxili aləminin zənginliyini nümayiş etdirən  Novruz günlərində ölkəmizin  hər yerində, hər evdə, hər ailədə bayram əhval-ruhiyyəsi hökm sürür.