Ekoloji monitorinq

Laboratoriya xidmətləri

Ekoloji normativ – texniki sənədlərin işlənib hazırlanması

Sənaye-çirkab, tullantı və məişət-fekal suların təmizlənməsi

Parafinin təmizlənməsi

Neftşlamın emalı və zərərsizləşdirilməsi

Neftlə çirklənmiş torpaqların rekultivasiyası, bioremediasiyası

Qazma şlam qutularının (DCB) icarəyə verilməsi

ƏMTQ sənədlərinin hazırlanması

10.05.2019 Respublikamızın hər yerində xalqımızın Ümummilli Lideri Heydər Əliyevin anadan olmasının 96-cı ildönümü böyük təntənə ilə qeyd edilir və silsilə tədbirlər keçirilir. Azərbaycanın memarı və respublikamızın inkişafında misilsiz xidmətləri olan bu tarixi şəxsiyyətin ölməz ruhu dərin ehtiramla yad edilir.

08.05.2019 2019-cu il may ayının 7-də QSC-də  rəhbərliyin və Həmkarlar İttifaqı Komitəsinin təşkilatçılığı ilə  Ümummilli Lider Heydər Əliyevin anadan olmasının  96-cı ildönümünə həsr olunmuş nərd turniri keçirilmişdir. Turnirə QSC-nin ayrı-ayrı istehsalat sahələrindən 32 nəfər nərd həvəskarı qatılmışlar.

02.05.2019 “Ekol Mühəndislik Xidmətləri” QSC-də Elektromexanika sexinin kollektivi istehsalat  sahələrində istismarda olan qurğu və avadanlıqlara peşəkarlıqla xidmət göstərirlər. Kollektivin işgüzar səyi nəticəsində təmizləyici, ötürücü və emal qurğularında  vaxtaşırı cari və əsaslı təmir işləri aparılır ki, bu da təmizləmə və emal proseslərinin kəmiyyət və keyfiyyətinə öz müsbət təsirini göstərir.  Bununla yanaşı sex tərəfindən sıradan çıxmış  kommunikasiya xətləri yeniləri ilə əvəz edilmiş, QSC-nin  elektrik təsərrüfatında  zəruri təmir və profilaktika işləri keyfiyyətlə yerinə yetirilmişdir.

01.05.2019 Futzal üzrə Azərbaycan kubokunun ¼ final oyunları keçirilmişdir.  30.04.2019-cu il tarixində Bakı İdman sarayında baş tutan futzal üzrə Azərbaycan kubok oyunlarında “Ekol” FK “Araz” komandası ilə qarşılaşmışdır. Qarşılaşmanın gərgin idman mübarizəsi şəraitində keçəcəyi əvvəlcədən hiss olunurdu. Fasiləyə üstün yollanan “Araz” (0:1) ikinci hissədə “Ekol” FK-nın qollar vurmasına mane ola bilmədi. Rəqib komanda 32-ci dəqiqədə bərabərliyi bərpa etsə də oyunun başa çatmasına 44 saniyə qalmış “Ekol” FK-un oyunçusu Çovdarov qarşısı alınmaz zərbə ilə oyunun taleyini həll etdi. Nəticədə “Ekol” FK “Araz” komandası üzərində 5:4 hesablı qələbə qazanaraq yarımfinala vəsiqə qazandı.

29.04.2019 Aprelin 27-də “Ekol Mühəndislik Xidmətləri” QSC-nin bütün fəaliyyət sahələrində iməcilik keçirilmişdir. İməcilikdə rəhbərlik və kollektivin çoxsaylı nümayəndələri iştirak etmişlər. Tədbir “Ekol Mühəndislik Xidmətləri” QSC-nin  xidmət göstərdiyi SOCAR-ın Heydər Əliyev adına NEZ-nun 9-cu sahəsinin ərazisində yerləşən QSC-nin  Tullantıların Emalı Departamentinin 4, 5 və 6 saylı istehsalat sahələrində, SOCAR-ın Qaz Emalı Zavodunun ərazisində və SOCAR-ın Ekologiya İdarəsinin Tullantıların İdarə Edilməsi Mərkəzinin ərazisində eləcədə də, “Azneft” İB-nin  “BibiHeybətneft”, “Abşeronneft” və H.Z.Tağıyev adına NQÇİ-nin mədən ərazilərindəki yaşıllıq sahələrində  keçirilmişdir.

26.04.2019 Aprelin 26-da “Ekol Mühəndislik Xidmətləri” QSC-də “Əməyin mühafizəsi və əməyin gələcək sferası” devizi altında “28 aprel - Ümumdünya Əməyin Mühafizəsi Günü” və Beynəlxalq Əmək Təşkilatının 100 illiyinə həsr olunmuş tədbir keçirilmişdir. Tədbirə QSC-nin rəhbərliyi, ayrı-ayrı struktur bölmələrinin rəhbərləri, mühəndis və texniki işçilər qatılmışlar. QSC-nin Baş direktorunun SƏTƏM üzrə müavini Eldəniz Həsənli, Ekoloji Monitorinq Departamentinin rəisi Shahabiddin Albushov, Ekoloji Monitorinq Departamentinin rəisi müavini Natella Şəfiyeva, Tullantıların Emalı Departamentinin rəisi Zeynal Babayev, Həmkarlar İttifaqı Komitəsinin sədri Əli Ələkbərov və Texniki təhlükəsizlik şöbəsinin rəisi Səbuhi Veysəlov tədbirdə çıxış etmişlər.

15.04.2019 Hər il  yaz mövsümü ilə əlaqədar olaraq “Ekol Mühəndislik Xidmətləri” QSC-nin rəhbərliyi və kollektivi  iməciliklər keçirir,  istehsalat sahələrində ağaclar əkilir, yaşıllaşdırma və abadlıq işləri aparılır.

10.04.2019 Əlverişli ekoloji mühitin yaradılması istiqamətində ardıcıl və məqsədyönlü tədbirlər keçirən “Ekol Mühəndislik Xidmətləri” QSC-nin həyata keçirdiyi layihələrdən biri də reabilitasiya olunmuş mədən  ərazilərində, o cümlədən inzibati binaların ətrafında yaz mövsümü ilə əlaqədar mövcud olan yaşıllıq zolaqlarına, əkilmiş müxtəlif növ ağac və bəzək kollarına aqrotexniki xidmətlər göstərilməsindən ibarətdir.

08.04.2019 Futzal üzrə Azərbaycan çempionatının 25-ci turunda “Ekol” FK ilə “Yasamal” İSK qarşılaşmışlar.

04.04.2019 2018-ci il ərzində Kargüzarlığa və icraya nəzarət şöbəsinin rəisi, Tullantı mərkəzinin Qazma şlamı emal edən B qurğusunun istehsalat prosesinin mexanikləşdirilməsi və avtomatlaşdırılması üzrə mühəndisi, EMD-nin Kompleks tədqiqatlar laboratoriyasının kimyaçısı “Ekol Mühəndislik Xidmətləri” QSC-nin SOCAR-ın Təlim Tədris və Sertifikatlaşdırma İdarəsi ilə bağladığı müqaviləyə əsasən təşkil edilmiş təlimatlandırma kurslarında iştirak etmişlər.

29.03.2019 Martın 29-da QSC-nin istehsalat sahələrində “31 mart-Azərbaycanlıların soyqırımı günü”nə həsr olunmuş anım tədbiri keçirilmişdir.

13.03.2019 Azərbaycan  kubokunun 1/8 final  mərhələsinin növbəti oyununda Yüksək və Birinci  liqaların “ikinciləri”  qarşılaşmışlar. 5 mart 2019-cu  il Olimpik Starda baş  tutan oyunda  “Standart” komandası  6 dəqiqə tab gətirə bildi.  Ardıcıl iki qol vuran “Ekol” FK fasiləyə 5:1 hesablı qələbə ilə yollandı. Daha maraqlı keçən ikinci hissə hər iki qapıçının  qarşılıqlı  qollar  vurması  ilə  yadda  qaldı.  Sonda 1/4 final  mərhələsinə daha  təcrübəli  “Ekol”  FK  komandası  Standart  üzərində  8:4 hesablı qələbə qazanaraq adladı.

07.03.2019 8 Mart - Beynəlxalq Qadınlar Gününün  bayram edilməsi 1910-cu ildə, Kopenhagendə sosialist qadınların 2-ci Beynəlxalq Konfransında qərara alınmışdır. Artıq  bir əsrdən artıqdır ki, bütün  dünya ölkələri  8 Mart Beynəlxalq Qadınlar Gününü  sülh uğrunda mübarizədə həmrəylik günü kimi qeyd edirlər.

04.03.2019 Futzal üzrə Azərbaycan çempionatının 20-ci turunda “Ekol” FK ilə “Neftçi” FK qarşılaşmışlar.

01.03.2019 Beynəlxalq Mülki Müdafiə Təşkilatının Baş Məclisinin qərarı ilə 1972-ci ildən etibarən, hər il 1 mart bu təşkilata üzv olan bütün ölkələrdə “Ümumdünya Mülki Müdafiə Günü” kimi qeyd olunur. Hazırda Beynəlxalq Mülki Müdafiə Təşkilatına dünyanın 100-dən çox ölkəsi daxildir. Bu təşkilatın əsas məqsədi dünya əhalisinin mühafizəsi sahəsindəki təcrübəni ümumiləşdirib yayılması, Mülki Müdafiə kadrlarının hazırlanması və təkmilləşdirilməsi, habelə təbii fəlakətlər və iri qəzalar zamanı dövlətlərarası qarşılıqlı yardımın təşkil edilməsindən ibarətdir. Azərbaycan Respublikası 1993-cü ildən bu nüfuzlu humanitar təşkilatın üzvlüyünə qəbul edilmiş və onun keçirdiyi bütün tədbirlərdə fəal iştirak edir.

26.02.2019 Ötən əsrin ən ağır faciəsi olan Xocalı soyqırımı Ermənistan-Azərbaycan, Dağlıq Qarabağ münaqişəsinin ən dəhşətli səhifəsidir. 1992-ci ilin fevralın 25-dən 26-na keçən gecə Xocalı şəhərini yer üzündən silmiş erməni təcavüzkarları 613 dinc sakini, o cümlədən 106 qadını, 63 uşağı və 70 ahıl insanı amansızlıqla, 56 nəfəri xüsusi qəddarlıq və işgəncə ilə qətlə yetirmişlər. 1275 nəfərin əsr götürülməsi ilə nəticələnən azğın erməni hərbçilərinin amansız insan "ovu" 150 günahsız insanın itkin düşməsi, 76-sı azyaşlı uşaq olmaqla 487 nəfərin ömürlük şikəst olması ilə nəticələndi. Amansız qətllərlə dünya tarixində silinməz iz buraxan Xocalı soyqırımı əslində, erməni təcavüzkarlarının yalnız Azərbaycan xalqına deyil, bəşəriyyətə qarşı ən ağır cinayətin və qəddarlığın təcəssümü kimi qiymətləndirmişdir.

25.02.2019 Futzal üzrə Azərbaycan çempionatının 19-cu turunun sonuncu oyunu “Liman”- “Ekol” qarşılaşması ilə başa çatmışdır.

18.02.2019 14.02.2019-cu il tarixdə keçirilmiş görüşdə SOCAR-ın Ekologiya İdarəsinin baş mühəndisi Yaqub Ağasiyev, Tullantıların İdarə Edilməsi Mərkəzinin rəisi Orxan Qəndilov, Tullantıların İdarə Edilməsi Mərkəzinin rəis müavini Rəşad Rəcəbov, “SUEZ” şirkəti tərəfindən Azərbaycanda şirkətin filial müdiri Alain Carbonet, müştərilərlə iş üzrə menecer Nəriman Kərimli, Türkiyə regionu üzrə satış direktoru  Domenico Ascione, Sənaye layihələri və servisləri üzrə baş proses meneceri Jerome Braksmeyer və digər nümayəndələr iştirak etmişlər.

18.02.2019 Futzal üzrə Azərbaycan çempionatının 18-ci turunda “Ekol” FK “Yasamal” İSK ilə qarşılaşmışdır.

14.02.2019 2018-ci il ərzində Tullantıların İdarə Edilməsi Mərkəzində, Ekoloji Monitorinq Departamentində, Elektromexanika sexində, Texniki Təhlükəsizlik şöbəsində, Kargüzarlıq və icraya nəzarət şöbəsində çalışan şöbə rəisləri, mühəndis-texniki işçiləri və elektrik montyorları “Ekol Mühəndislik Xidmətləri” QSC-nin SOCAR-ın Təlim Tədris və Sertifikatlaşdırma İdarəsi ilə bağladığı müqaviləyə əsasən təşkil edilmiş təlimatlandırma kurslarında iştirak etmişlər.