Ekoloji monitorinq

Laboratoriya xidmətləri

Ekoloji normativ – texniki sənədlərin işlənib hazırlanması

Sənaye-çirkab, tullantı və məişət-fekal suların təmizlənməsi

Parafinin təmizlənməsi

Neftşlamın emalı və zərərsizləşdirilməsi

Neftlə çirklənmiş torpaqların rekultivasiyası, bioremediasiyası

Qazma şlam qutularının (DCB) icarəyə verilməsi

ƏMTQ sənədlərinin hazırlanması

30.05.2014       Mayın 30-da, “Ekol Mühəndislik Xidmətləri” QSC-nin baş ofisində Ekoloji Monitorinq Departamentinin rəisi Şahabiddin  Albuşovun "Əsrin  Ziyalıları" İctimai  Birliyi   tərəfindən "ilin ekoloqu" adına layiq görülməsi ilə əlaqədar təqdimat mərasimi keçirilmişdir. Mərasimdə      QSC-nin rəhbərliyi və kollektivin nümayəndələri, eləcə də "Əsrin  Ziyalıları" İctimai  Birliyinin rəsmiləri iştirak etmişlər.

29.05.2014         “Ekol  Mühəndislik  Xidmətləri” QSC-nin    fəaliyyətində  İSO-9001, İSO-14001 və OHSAS-18001 Beynəlxalq  İdarəetmə  Sistemlərinin (BİS)  tələblərinə ciddi əməl olunur və  standartların  işçi personalı tərəfindən daha dərindən mənimsənilməsi  üçün  məqsədyönlü tədbirlər həyata keçirilir.

27.05.2014        Mayın 27-də"Ekol Mühəndislik Xidmətləri" QSC-nin xidmət sahələrində Azərbaycan Xalq Cümhuriyyətinin yaranmasının  96-cı ildönümü ilə əlaqədar tədbirlər keçirilmiş, tariximizin bu şanlı səhifəsinə nəzər salınmış, onun tariximizdəki yeri və rolu haqqında ətraflı  danışılmışdır.

22.05.2014   "Ekol Mühəndislik Xidmətləri" QSC-nin Torpaqların Rekultivasiyası Departamenti  (TRD)  Bakı  Ağ  Şəhər layihəsi  ərazisində,  bir neçə istiqamətdə  "Azərneftyağ"    NEZ-nun  köhnə  sənaye obyektlərindən  neftlə çirklənmiş torpaqların daşınması  işlərini yüksək templə  həyata keçirir.

20.05.2014       ARDNŞ-nin fəaliyyət sahələrində ekoloji vəziyyətin yaxşılaşdlırılmasına dair tədbirlər planı çərçivəsində, neft-mədən ərazilərinin çirklənmədən təmizlənməsi və reabilitasiya  olunmuş  ərazilərdə  yaşıllıqların  salınması xüsusi əhəmiyyət kəsb edir. Bu tədbirlərin həyata keçirilməsində yaxından iştirak edən və ekoloji layihələrin bilavasitə icraçısı olan "Ekol Mühəndislik Xidmətləri"QSC-nin həyata keçirdiyi  prioritet layihələrdən biri də “Abşeronneft” NQÇİ-nin reabilitasiya  olunmuş  mədən ərazilərində yaşıllıqların salınması və  aqrotexniki xidmətlərin göstərilməsidir.

16.05.2014       QSC-nin Tullantıların Emalı Departamentinin (TED)  6-cı  (Heydər Əliyev adına BNEZ-nun  9-cu sexinin ərazisi) və 7-ci ("Azərneftyağ" NEZ-nun 8-ci sexinin ərazisi) sahələrində tullantıların idarəedilməsi, xidmət sahələrində texnoloji proseslərin fasiləsizliyinin təmin olunması və keyfiyyətin yaxşılaşdırılması   TED-nin fəaliyyətinin prioritet istiqamətlərindəndir. Bununla əlaqədar olaraq,  qurğu və avadanlıqların saz vəziyyətdə işləməsi, onların istismar müddətinin artırılması,  həmçinin  texnoloji reqlamentə  dəqiq  əməl olunması  sahəsində   ardıcıl və məqsədyönlü  tədbirlər həyata keçirilir.

13.05.2014       May ayının  5-dən 9-dək  Almaniyanın Münhen şəhərində  IFAT 2014, "suların, tullantı sularının, tullantıların və xammalların  idarəedilməsi üzrə"  Beynəlxalq  Ticarət Sərgisi keçirilmişdir.  Geniş diapazonlu texniki proqramına  rəsmi  prezentasiyalar və xüsusi diskussiyalar daxil  olunmuş sərgidə, yüzlərlə şirkətlər  öz  yeni  texnologiyalarını, qurğu və avadanlıqlarını nümayiş etdirmişlər. Sərgiyə "Ekol Mühəndislik Xidmətləri" QSC-nin baş direktoru Ramil Əliyevin başçılıq etdiyi nümayəndə heyəti də  qatılmışlar.

12.05.2014        Xalqımızın ümummilli lideri Heydər Əliyevin anadan olmasının 91-ci ildönümü  “ Ekol Mühəndislik Xidmətləri ”  QSC-də də  bir sıra tədbirlərlə qeyd olunmuşdur. Bu münasibətlə  QSC-də iməciliklər və  nərd turniri təşkil olunmuşdur.

08.05.2014        Xalqımızın ümummilli lideri Heydər Əliyevin anadan olmasının 91-ci ildönümü  “ Ekol Mühəndislik Xidmətləri ”  QSC-də də  bir sıra tədbirlərlə qeyd olunmuşdur. Bu münasibətlə  QSC-də iməciliklər və  nərd turniri təşkil olunmuşdur.

08.05.2014      Ulu öndərimiz   Heydər  Əliyevin  anadan olmasının 91-cı il dönümü ilə  əlaqədar,  respublikamızda həyata keçirilən  silsilə tədbirlər  çərçivəsində  “Ekol  Mühəndislik  Xidmətləri”  QSC-də  də   ümummilli  liderin abidəsini ziyarət etmək, eləcə də  anım mərasiminin və nərd turnirinin  keçirilməsi   nəzərdə tutulmuşdur.

02.05.2014      Öz fəaliyyətini beynəlxalq standartlar səviyyəsində quran "Ekol Mühəndislik  Xidmətləri"  QSC  bu standartların tələblərinə əməl olunması məqsədilə ardıcıl tədbirlər  həyata  keçirir və  prosedura qaydalarına tam əməl olunur. Həyata keçirilən tədbirlər çərçivəsində  TS EN İSO 9001 Keyfiyyətin idarəetmə sisteminin, TS EN İSO 14001 Ekologiya idarəetmə sisteminin  və TS İSO 18001 OHSAS Əməyin mühafizəsi və təhlükəsizliyi idarəetmə sisteminin müvafiq maddələrinin tələblərinə uyğunluğunun müəyyən edilməsi məqsədilə, QSC-nin baş direktorunun  təsdiq etdiyi qrafikə  əsasən  aprelin 1-dən  başlayaraq struktur bölmələrində  daxili  audit  keçirilir.

02.05.2014        Mayın 2-də "Ekol Mühəndislik Xidmətləri" QSC-nin baş ofisində İngiltərənin   WET şirkətinin  texniki direktoru və regional meneceri Malcolm Peel  və Norveçin  SORBWATER  şirkətlərinin texniki direktoru Atle  Mundhem ilə görüş keçirilmişdir.

29.04.2014         Aprelin 28-də "Ekol Mühəndislik  Xidmətləri" QSC-də “28 aprel - Ümumdünya  Əməyin  Mühafizəsi  Günü"  ilə əlaqədar  tədbir keçirilmişdir. Tədbirin mövzusu «Kimyəvi maddələr istifadə olunan iş yerlərində əməyin mühafizəsi» olmuşdur. Tədbirdə QSC-nin  baş direktorunun SƏTƏM üzrə müavini Rəşad İsmayılov, ayrı-ayrı struktur bölmələrinin rəhbərləri, mühəndis və texniki işçilər iştirak etmişlər. QSC-nin baş direktorunun SƏTƏM  üzrə müavini Rəşad İsmayılov, Həmkarlar İttifaqı Komitəsinin sədri Əli Ələkbərov və Texniki təhlükəsizlik şöbəsinin rəisi Səbuhi Veysəlov tədbirdə çıxış etmişlər.

28.04.2014         Aprelin 26-da "Ekol Mühəndislik Xidmətləri" QSC-nin istehsalat sahələrində  növbəti  iməcilik keçirilmişdir. İməcilik  QSC-nin bütün istehsalat sahələrini əhatə etmişdir.

24.04.2014        ARDNŞ-nin fəaliyyət sahələrində ekoloji vəziyyətin yaxşılaşdırılmasına dair tədbirlər planı çərçivəsində "Ekol Mühəndislik Xidmətləri" QSC-nin Torpaqların Rekultivasiyası Departamentinin (TRD) aqrotexniki xidmətlər göstərdiyi sahələrdən biri də H.Z. Tağıyev adına  NQÇİ-nin  1-ci mədən ərazisindəki (Qala sahəsi) yaşıllıq sahəsidir. 2013-cü ildən  başlayaraq  TRD-nin 1-ci sahəsinin  kollektivi tərəfindən  NQÇİ-nin 1-ci mədən ərazisində  müxtəlif növ ağaclar əkilmişdir. Hazırda  ərazidə     6 minə  qədər (əkinə qədər olan ağaclar da  daxil olmaqla) müxtəlif ağac növlərinə  yüksək səviyyəli aqrotexniki xidmətlər göstərilir.

21.04.2014         Aprelin 19-da "Ekol Mühəndislik Xidmətləri" QSC-nin istehsalat sahələrində  növbəti  iməcilik keçirilmişdir. İməcilikdə kollektivin çoxsaylı nümayəndələri iştirak etmişdir. Tədbir QSC-nin  O.Vəliyev 1 ünvanında və “Azərneftyağ” NEZ-nun ərazisində  yerləşən  istehsalat  sahələrini, eləcə də “Abşeronneft”, “BibiHeybətneft” və H. Z. Tağıyev adına NQÇİ-nin mədən ərazilərindəki, həmçinin ARDŞN-nin Qaz Emalı Zavodunun ərazisindəki yaşıllıq sahələrini əhatə etmişdir.

18.04.2014       “Ekol Mühəndislik Xidmətləri” QSC-nin istehsalat  sahələrində  texnoloji proseslərin  ətraf  mühitə  təsirinin  minimuma endirilməsi, istehsalatın fasiləsizliyinin təmin edilməsi, eləcə də obyektlərin, qurğu və avadanlıqların istismar müddətinin artırılması  istiqamətində mütəmadi  zəruri tədbirlər həyata keçirilir.

16.04.2014        “Azərneftyağ” NEZ-nun istehsalat sahələrində ekoloji vəziyyətinin yaxşılaşdırılması istiqamətində həyata keçirilən tədbirlər planı çərçivəsində,  zavodun ərazisində formalaşan sənaye-çirkab sularının təmizlənməsinə, eləcə də  neftşlamın emalına  və zərərsizləşdirilməsinə xüsusi diqqət yetirilir. Bu layihələr isə  2007-ci ildən başlayaraq NEZ-nun 8-ci sexinin ərazisində  fəaliyyət göstərən "Ekol Mühəndislik Xidmətləri" QSC-nin Tullantıların Emalı Departamentinin  (TED) 7-ci sahəsi tərəfindən  uğurla icra olunur.

12.04.2014      ARDNŞ-nin "Ətraf mühitin mühafizəsi üzrə 2014-cü ilin Tədbirlər Planı" çərçivəsində  Şirkətin  fəaliyyət  sahələrində iməciliklər davam  edir.  Bununla əlaqədar olaraq, aprelin 12-də   "Ekol Mühəndislik Xidmətləri" QSC-nin bütün  istehsalat sahələrində də  növbəti iməcilik keçirilmişdir.

11.04.2014        “Ekol Mühəndislik Xidmətləri” QSC-nin  Ekoloji Monitorinq Departamentinin Milli Sertifikatlaşma Sistemində akkreditasiyadan keçmiş  KTL  dənizdə və quruda ətraf  mühitin  vəziyyətinin  tədqiq edilməsi və  QSC-nin istehsalat sahələrində analitik nəzarətin aparılması üzrə çoxşaxəli xidmətlər göstərir.