Ekoloji monitorinq

Laboratoriya xidmətləri

Ekoloji normativ – texniki sənədlərin işlənib hazırlanması

Sənaye-çirkab, tullantı və məişət-fekal suların təmizlənməsi

Parafinin təmizlənməsi

Neftşlamın emalı və zərərsizləşdirilməsi

Neftlə çirklənmiş torpaqların rekultivasiyası, bioremediasiyası

Qazma şlam qutularının (DCB) icarəyə verilməsi

ƏMTQ sənədlərinin hazırlanması

30.01.2014        ARDNŞ-nin fəaliyyət sahələrində neftlə çirklənmiş torpaqların və sənaye-çirkab, axıntı sularının təmizlənməsi, neftşlamın emalı və zərərsizləşdirilməsi, reabilitasiya olunmuş mədən ərazilərində yaşıllıqların salınması və bitkilərə aqrotexniki xidmətlərin göstərilməsi  kimi prioritet ekoloji layihələr icra etməklə yanaşı,  “Ekol Mühəndislik Xidmətləri” QSC bu yönümdə digər xidmət sahələrində də zəruri tədbirlər həyata keçirir.

24.01.2014        "Ekol Mühəndislik Xidmətləri" QSC-nin fəaliyyət sahələrində texniki təhlükəsizliyin təmin edilməsi və əməyin mühafizəsi  sahəsində Texniki təhlükləsizlik şöbəsi 2013-cü ildə də  operativ fəaliyyət göstərmiş, beynəlxalq standartların və normativ sənədlərin tələblərinə yüksək səviyyədə əməl edilmişdir.

22.01.2014       “Ekol Mühəndislik  Xidmətləri” QSC-nin  Ekoloji Monitorinq Departamenti (EMD) əvvəlki illərdə olduğu kimi, 2013-cü ildə də  bağlanmış müqavilələrə və təsdiq olunmuş iş planına uyğun olaraq, "Sifarişçi" təşkilatlara monitorinq işlərinin aparılması, texniki-normativ sənədlərin işlənib hazırlanması və analitik tədqiqat  işlərinin  yerinə  yetirilməsi kimi ekoloji  yönümlü  xidmətlər göstərmişdir.

20.01.2014 Tariximizə "Qanlı Yanvar Faciəsi" kimi daxil olmuş 20 Yanvar hadisələrindən  24  il keçir. 1990-cıl ilin yanvarın  20-də keçmiş sovet  imperiyasının hərb maşınının  Azərbaycan xalqına qarşı həyata keçirdiyi vəhşi terror aktı insanlığa qarşı törədilmiş ən ağır cinayətlərdən biri kimi bəşər tarixində qara səhifə olaraq qalacaqdır. Milli azadlığı və ölkəsinin ərazi bütövlüyü uğrunda mübarizəyə qalxmış dinc əhaliyə divan tutulması, kütləvi terror nəticəsində yüzlərlə günahsız insanın qətlə yetirilməsi və yaralanması totalitar sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirdi.

15.01.2014       "Sifarişçi" məmnunluğunu qazanmaq və müqavilə öhdəliklərinə layiqincə əməl etmək  2013-cü ildə də QSC-nin  Tullantıların Emalı Departamentinin  (TED) fəaliyyətinin əsas istiqamətlərindən olmuşdur. Ötən il  BNEZ-dan TED-nin 6-cı sahəsinin(Heydər Əliyev adına BNEZ-nun 9-cu sexinin ərazisi)   mexaniki təmizləyici qurğularına daxil olan  10 milyon   m3-ə qədər sənaye çirkab suları təmizlənmiş və texnoloji proseslər  nəticəsində formalaşan  23 min 995 tona qədər neftşlam  müasir texniki vasitələrlə emal edilərək  zərərsizləşdirilmişdir. İl ərzində TED-nin 7-ci sahəsində isə  (“Azərneftyağ” NEZ-nun  8-ci sexinin ərazisi)  11 milyon 550 min  m3-ə qədər  sənaye çirkab suları təmizlənmiş, 10 min 640 ton neftşlam  emal olunaraq  zərərsizləşdirilmişdir.  Departamentin  8-ci sahəsində (Heydər Əliyev adına BNEZ-nun 9-cu sexinin ərazisi) fəaliyyət göstərən "Parafin təmizləmə sexində" isə "AAS-EKOL" MMC-dən   daxil  olan 143 tondan çox ərsin parafini sudan və mexaniki qarışıqlardan  ayrılmışdır.

13.01.2014        ARDNŞ öz fəaliyyət  sahələrində ekoloji vəziyyətin yaxşılaşdırılmasına yönəldilmiş  tədbirlər çərçivəsində neftlə çirklənmiş torpaqların təmizlənməsinə və reabilitasiya olunmuş ərazilərin yaşıllaşdırılmasına xüsusi önəm verir və bu istiqamətdə ardıcıl tədbirlər həyata keçirir. 2013-cü ildə də  bu sahədə  bir sıra prioritet layihələr icra olunmuşdur. Bu layihələrin icrası isə əsasən "Ekol Mühəndislik Xidmətləri" QSC-nin Torpaqların  Rekultivasiyası Departamenti (TRD) tərəfindən həyata keçirilmişdir.

08.01.2014          ARDNŞ neft-mədən ərazilərində neftlə çirklənmiş torpaqların,  sənaye-çirkab, axıntı və lay sularının təmizlənməsi, neftşlamın emalı, zərərsizləşdirilməsi və bioremediasiyası kimi prioritet ekoloji layihələrin nanotexnologiyalarla həyata keçirilməsini  "Ekol Mühəndislik Xidmətləri" QSC-nin qarşısında mühüm bir vəzifə kimi qoymuşdur.  Bununla  əlaqədar  olaraq QSC  bu sahədə  hərtərəfli  axtarışlar aparır,  yerli və xarici analoji şirkətlərlə  əməkdaşlıq əlaqələri yaradır.

29.12.2013      Dünya  Azərbaycanlılarının  Həmrəylik  Günü və Yeni il bayramı münasibətilə   dekabrın  29-da  QSC-nin baş ofisində tədbir keçirilmişdir. Tədbirdə giriş sözü ilə QSC-nin baş direktoru Ramil Əliyev  çıxış etmişdir.

26.12.2013       "Ekol Mühəndislik  Xidmətləri"  QSC-də çalışan işçi personalın sağlamlığının qorunması və peşə xəstəliklərinin qarşısının vaxtında alınması məqsədilə, müəssisənin maliyyə vəsaiti hesabına  işçilər ildə bir dəfə tibbi müayinədən keçirilir.

23.12.2013       "Ekol Mühəndislik Xidmətləri" QSC-nin əsas fəaliyyət sahələri ilə yanaşı,  xidmət sahələrində əsaslı təmir, yenidənqurma və  abadlaşdırma işlərinə də xüsusi diqqət yetirilir. Bu məqsədlə xidmət sahələrindəki inzibati, məişət və yardımçı binalarda mütəmadi olaraq təmir işləri aparılır, ərazilərin abadlaşdırılması və yaşıllaşdırılması sahəsində məqsədyönlü  tədbirlər həyata keçirilir.

19.12.2013        ARDNŞ-nin fəaliyyət sahələrində ekoloji problemlərin həlli və ətraf mühitin mühafizəsi sahəsində təsdiq etdiyi kompleks tədbirlər planı yüksək templə  həyata keçirilir. Bu tədbirlər çərçivəsində neft-qaz sənayesi sahələrində yaşıllıqların salınması və inkişaf etdirilməsi də  xüsusi əhəmiyyət kəsb edir.

17.12.2013       "Ekol Mühəndislik Xidmətləri" QSC  beynəlxalq  standartların  tələblərinə əməl etməklə, fəaliyyət sahələrində formalaşan  tullantıların idarə olunmasına xüsusi önəm verir və bu sahədə  davamlı tədbirlər həyata keçirir. Ətraf mühitin mühafizəsi sahəsində  görülən tədbirlər çərçivəsində 2013-cü ilin IV rübündə də istifadəsi başa çatmış avtomobil şinləri, akkumulyatorlar,  lümenises lampalar, məişət elektrik  cihazları,  kartriclər,  printerlər, faks aparatı  üçün  lentlər və s. kimi  xüsusi tullantıların utilizasiyası təmin edilmişdir.

12.12.2013        Artıq 10 ildir ki,  Azərbaycan xalqı hər ilin 12 dekabrında  ümummilli lider, müstəqil Azərbaycan Respublikasının memarı  Heydər Əliyevin  anım gününü böyük ehtiramla yad edirlər. Əbədiyyətə qovuşmuş,  xalqımızın yaddaşında dərin iz  buraxmış  bu dahi tarixi şəxsiyyətin   əziz xatirəsi böyük  məhəbbətlə anılır və bu münasibətlə tədbirlər keçirilir.

10.12.2013        "Ekol Mühəndislik Xidmətləri " QSC  2010-cu ildən icrasına başladığı, Bakı Ağ Şəhər layihəsi ərazisində olan Heydər Əliyev adına BNEZ-nun və "Azərneftyağ" NEZ-nun  köhnə  sənaye obyektlərindən neftşlamın və neftlə çirklənmiş torpaqların daşınması  və sənaye-çirkab, axıntı sularının nəqli layihələrinin icrasını təqvim planına uyğun  olaraq   uğurla davam etdirir.

06.12.2013      "Ekol Mühəndislik Xidmətləri" QSC-nin bütün xidmət  sahələrində "Qışa Hazırlıq  Tədbirlər Planı"-da nəzərdə tutulmuş  işlər yüksək səviyyədə  həyata keçirilir.  "Tədbirlər Planı"nın  icrası ilə əlaqədar olaraq, ilk növbədə fasiləsiz rejimdə işləyən QSC-nin Tullantıların Emalı Departamentini xidmət sahələrində ötürücü boru xətlərinin və siyirtmələrin izolyasiyası, mexaniki təmizləyici qurğularda isə profilaktiki təmir işləri  başa çatdırılmışdır. İnzibati binaların fasad və dam örtüyündə, iş otaqlarında, nasosxanalarda və əməliyyatçı otaqlarında cari və əsaslı təmir işləri yerinə yetirilmiş, qış fəslində baş verə biləcək fövqəladə halların qarşısının alınması üçün qabaqlayıcı tədbirlər görülmüşdür.

05.12.2013        "Ekol Mühəndislik Xidmətləri" QSC-də tullantıların  emalı və təmizlənməsi texnologiyalarının təkmilləşdirilməsi və yeni müasir tipli qurğularla  texniki parkın genişləndirilməsi  sahəsində məqsədli tədbirlər davam etdirilir.  Hazırda QSC-nin xidmət sahələrində  İsveçrənin "Alfa-Laval" şirkətinin istehsalı olan modul dekantor  və  İtaliyanın  "Pieralisi" şirkətinin  istehsalı olan modul trikantor qurğuları müvəffəqiyyətlə    istismar edilir. Cari ildə QSC-nin texniki parkına  dekantor  qurğusundan çıxan  maye qarışığını  üç fazaya;  neft məhsulu, su və mexaniki qarışığa ayıran, İsveçrənin "Alfa-Laval" şirkətinin istehsalı olan  yeni  FOX-15 separator qurğusu da əlavə edilmişdir.

03.12.2013      "Ekol Mühəndislik Xidmətləri" QSC-nin  Tullantıların Emalı Departamentinin (TED)  fəaliyyət sahələrində  texnoloji proseslərin fasiləsizliyinin təmin edilməsi və  keyfiyyətin yaxşılaşdırılması istiqamətində davamlı və məqsədyönlü tədbirlər həyata keçirilir. Xüsusilə texnoloji proseslərin elektrik enerjisi, su və təbii qaz təminatının yaxşılaşdırılması sahəsində son dövrdə əsaslı yenidənqurma işləri yerinə yetirilmişdir.

29.11.2013      Təsdiq olunmuş proqrama əsasən 26.11.2013-05.12.2013 tarixdə “Ekol Mühəndislik Xidmətləri” QSC-nin bütün struktur bölmələrinin  işçi personalına maarifləndirmə keçirilməsi nəzərdə tutulmuşdur. Maarifləndirmənin əsas  məqsədi QSC-də olan peşələr üzrə hazırlanmış əməyin mühafizəsi və texniki təhlükəsizlik təlimatlarının tələbləri, elektrik təhlükəsizliyi və  fərdi  mühafizə vasitələrindən istifadə təlimatları  barədə işçi personala məlumatların verilməsi ilə onların bu sahədə bilik səviyyələrinin artırılmasından ibarətdir.

27.11.2013       İşçi personalın sağlamlığının qorunması, texniki təhlükəsizliyinin təmin edilməsi,  iş şəraitlərinin yaxşılaşdırılması və onların  sosial problemlərinin həlli "Ekol Mühəndislik Xidmətləri" QSC-nin fəaliyyətinin əsas istiqamətlərindən biridir. Bu sahədə ardıcıl məqsədyönlü tədbirlər həyata keçirilir. Tədbirlər sırasında  işçilərin sağlamlığının qorunması və peşə xəstəliklərinin qarşısının vaxtında alınması məqsədilə, müəssisənin maliyyə vəsaiti hesabına  işçi personalının ildə bir dəfə tibbi müayinədən keçirilməsinə  xüsusi önəm verilir.

26.11.2013       "Ekol Mühəndislik  Xidmətləri" QSC-nin xarici əlaqələrinin genişləndirilməsi və yeni texnologiyaların axtarışı istiqamətində  analoji şirkətlərlə görüşlər davam edir. Bu çərçivədə  növbəti görüş isə noyabrın 26-da, QSC-nin baş ofisində, Birləşmiş  Ərəb Əmirliklərinin  Dubay şəhərində fəaliyyət göstərən "Black Gold LLC" şirkətinin   nümayəndələri ilə keçirilmişdir.